კელი დეგნანი - კიდევ ერთხელ შევაქებ იმ გამბედაობას პოლიტიკური პარტიებისა, რომლებმაც ხელი მოაწერეს შეთანხმებას

კიდევ ერთხელ შევაქებ იმ გამბედაობას იმ პოლიტიკური პარტიებისა, რომლებმაც ხელი მოაწერეს ამ შეთანხმებას, - ამის შესახებ საქართველოში აშშ-ის ელჩმა კელი დეგნანმა განაცხადა.

ელჩის განმარტებით, პოლიტიკურმა პარტიებმა, რომლებიც ახლა პარლამენტში იმყოფებიან უნდა განახორციელონ მნიშვნელოვანი რეფორმები.

"პირველ რიგში აღვნიშნავ იმას, რომ ამ შეთანხმების მიღწევა იყო ძალიან მნიშვნელოვანი წინ გადადგმული ნაბიჯი საქართველოს დემოკრატიულ განვითარებაში, რომლის შედეგად პარტიები შევიდნენ პარლამენტში და ახლა ვხედავთ, თუ როგორ მუშაობს მრავალპარტიული პარლამენტი. რა თქმა უნდა, ამ კანონპროექტის დეტალები უნდა განიხილონ და მივიდნენ საბოლოო გადაწყვეტილებამდე პოლიტიკური ლიდერები. ჯანსაღი პროცესია, რომ ისინი განიხილავენ ამ საკითხებს. რაც არის ძალიან მნიშვნელოვანი, გახლავთ ის, რომ პარტიები შევიდნენ პარლამენტში, იქ, სადაც მათ უნდა იმუშაონ და განახორციელონ ძალიან მნიშვნელოვანი რეფორმები, რომელიც გულისხმობს საარჩევნო და ასევე სასამართლო რეფორმებს, რომელიც გააუმჯობესებს ზოგადად პირობებს , იმისათვის რომ ჩატარდეს უკეთესი არჩევნები და აღდგეს ხალხის და საზოგადოების ნდობა, როგორც არჩევნების ასევე სასამართლო გადაწყვეტილების მიმართ.

კიდევ ერთხელ მე შევაქებ გამბედაობას იმ პოლიტიკური პარტიების, რომლებმაც ხელი მოაწერეს ამ შეთანხმებას" , - განაცხადა კელი დეგნანმა.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
“მეამა ქოლექთის” ყავის უნიკალური კოქტეილები ბათუმშია