სალომე სამადაშვილი - „ქართული ოცნება" დაჩქარებული წესით აპირებს დღეს დაამტკიცოს რეპრესიული მექანიზმების გამყარება სამოქალაქო აქტივისტების წინააღმდეგ - ვაპირებთ, დავაყენოთ საკითხი, გადაიდოს კენჭისყრა

„ქართული ოცნება" დაჩქარებული წესით აპირებს დღეს დაამტკიცოს რეპრესიული მექანიზმების გამყარება სამოქალაქო აქტივისტების წინააღმდეგ - ვაპირებთ, რომ დავაყენოთ საკითხი, გადაიდოს კენჭისყრა,- ამის შესახებ დეპუტატმა სალომე სამადაშვილმა ჟურნალისტებთან, პარლამენტში განაცხადა.

კითხვაზე, შესაბამის წინადადებას დააფიქსირებს თუ არა პირადად სხდომათა დარბაზში, სამადაშვილი პასუხობს, რომ სხდომათა დარბაზში განცხადება ოპოზიციის სახელით გაკეთდება.

„ქართულმა ოცნებამ" ისარგებლა იმით, რომ ოპოზიცია ვერ მუშაობს სრულფასოვნად საქართველოს პარლამენტში და დაჩქარებული წესით აპირებს დღეს დაამტკიცოს ფაქტობრივად, რეპრესიული მექანიზმების გამყარება სამოქალაქო აქტივისტების წინააღმდეგ. ისე, რომ არ მიეცა შესაძლებლობა არც ოპოზიციას, არც სამოქალაქო საზოგადოების წარმომადგენლებს, რომ საკუთარი აზრი წარმოედგინა, „ქართული ოცნება“ ამკაცრებს სასჯელს ადმინისტრაციული დარღვევებისთვის. ეს ერთი მხრივ ეწინააღმდეგება სიტყვის და გამოხატვის თავისუფლების პრინციპებს და ასევე მიგვაჩნია, რომ ეწინააღმდეგება სულისკვეთებას იმ შეთანხმების, რომელიც მიღწეულ იქნა შარლ მიშელის მედიაციის დახმარებით. ამიტომ ჩვენ დღეს აქ, საქართველოს პარლამენტში ვაპირებთ, რომ დავაყენოთ საკითხი, გადაიდოს კენჭისყრა და განხილვა ამ საკითხის და მიეცეს შესაძლებლობა როგორც ოპოზიციას, ასევე სამოქალაქო აქტივისტებს, რომ საკუთარი აზრი გამოხატონ. ეს პოზიცია რომ დაგვეფიქსირებინა, სწორედ ამიტომ მოვედით პარლამენტში,"- განაცხადა სამადაშვილმა.

სხდომათა დარბაზში ოპოზიციის ნაწილის სახელით განცხადებას სავარაუდოდ "ლელოს" წევრი ანა ნაცვლიშვილი გააკეთებს.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა