ადვოკატები ვახო სანაიაზე თავდასხმაში ბრალდებული 2 პირის თავდებით გათავისუფლებას, ერთის კი აღკვეთის ღონისძიების გარეშე დატოვებას ითხოვენ

ჟურნალისტ ვახო სანაიაზე თავდასხმაში ბრალდებულ სულიკო საყევარაშვილის ადვოკატი გელა ნიკოლეიშვილი მისი დაცვის ქვეშ მყოფის და კიდევ ერთი ბრალდებულის გიორგი სახელაშვილის მიმართ აღკვეთის ღონისძიების სახით შეფარდებული პატიმრობის თავდებობით შეცვლას ითხოვს.

როგორც საყევარაშვილის ადვოკატმა გელა ნიკოლეიშვილმა განმარტა, სამივე ბრალდებულს თავდებში მომღერალი გია გაჩეჩილაძე, ზაზა პაპუაშვილი, ვახტანგ შაქარიშვილი და სხვა პირები უდგებიან.

ადვოკატების თქმით, დაკავებულების თავდებობით გაშვებას 2000 ადამიანი აწერს ხელს.

რაც შეეხება ვაჟა გიგაურს, მისი ადვოკატის, დათუნა მოდებაძის განცხადებით, მისი დაცვის ქვეშ მყოფი აღკვეთის ღონისძიების გარეშე უნდა დარჩეს.

მოსამართლე გიორგი კერატიშვილმა ბრალდებულებს კითხვით მიმართა იცნობენ თუ არა თავდებში მყოფ პირებს. კერატიშვილმა აღნიშნული პირების სხდომათა დარბაზში შეყვანა მოითხოვა.

ცნობისთვის, სამართალდამცავებმა ვახო სანაიას მიმართ, მისი პროფესიული საქმიანობის გამო განხორციელებული დევნისა და დისკრიმინაციის ნიშნით შეუწყნარებლობის მოტივით მუქარის ფაქტზე 3 პირი დააკავეს. მათ ბრალდება საქართველოს სისხლის სამართლის კოდექსის 156-ე მუხლის მე-2 ნაწილის „ა“ ქვეპუნქტით, 151-ე მუხლის პირველი ნაწილით და 126-ე მუხლის პირველი ნაწილით წარედგინათ, რაც სასჯელის სახედ და ზომად 3 წლამდე თავისუფლების აღკვეთას ითვალისწინებს.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა