ფინანსთა სამინისტრო სოციალური დახმარების საჭიროების მქონე პირების იდენტიფიცირების და მათთვის დახმარების გაწევის საკითხზე მუშაობს

ფინანსთა მინისტრის, ლაშა ხუციშვილის განცხადებით, უწყება მუშაობს, რომ რაც შეიძლება სწრაფად მოხდეს სოციალური დახმარების საჭიროების მქონე პირების იდენტიფიცირება და მათთვის დახმარების აღმოჩენა.

როგორც მან ჟურნალსტებს განუცხადა, ძალიან მნიშვნელოვანია, სწრაფად დასრულდეს ვაქცინაციის პროცესი და ამჟამად დახურული ეკონომიკის სექტორები გაიხსნას.

„მძიმე პანდემიური მდგომარეობა საკმაოდ მძიმე ეკონომიკურ მდგომარეობაში გადაიზარდა. რა თქმა უნდა, ამას თავისი ასახვა აქვს, მათ შორის ჩვენს მოქალაქეებზე. ამ მიმართულებით ფინანსთა სამინისტრო მუშაობს, რომ რაც შეიძლება სწრაფად მოხდეს აღნიშნული პირების იდენტიფიცირება და შესაბამისი დახმარების გაწევა. ძალიან მნიშვნელოვანია, რომ ჩვენ სწრაფად შევძლოთ ვაქცინაციის პროცესის დასრულება. ასევე მნიშვნელოვანია, რომ შევძლოთ ეკონომიკის დახურული სექტორების გახსნა, რომელიც დღეს არ ფუნქციონირებს. შესაბამისად, ამ კუთხით ყველაზე სწორი გამოსავალი არის ეკონომიკური აქტივობის აღდგენა, რომელიც პანდემიური სიტუაციიდან გამომდინარე, სამწუხაროდ, შეზღუდულია. ამ მიმართულებით 2021 წლის ბუჯეტი შედგენილი გვაქვს. 2021 წლის ბიუჯეტის შესრულება მიდის ზუსტად იმ პროგნოზით, რაც წლის დასაწყისში გვქონდა გათებული. შესაბამისად, ასეთი ტიპის თანხების გადახდაზე ბიუჯეტს არანაირი პრობლემა არ ექნება. ბიუჯეტის კორექტირება არ იგეგმება“, - განაცხადა ხუციშვილმა და დასძინა: სახელმწიფო ბიუჯეტის შემოსავლების ნაწილი შესრულდება 100%-ით და გადაჭარბებით.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 06.12.2021
პაატა დავითაია - საკონსტიტუციო ცვლილებებთან დაკავშირებით „ქართული ოცნების“ და „ნაციონალური მოძრაობის“ ინტერესები ემთხვევა - ბარიერის დაწევა აუცილებელია ქართული დემოკრატიის განვითარებისთვის
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“