საოკუპაციო ძალების წარმომადგენლებმა გამყოფ ხაზთან კიდევ ერთი ხნული გაავლეს

საოკუპაციო ძალების წარმომადგენლებმა ქარელის მუნიციპალიტეტში, გამყოფი ხაზის გასწვრივ კიდევ ერთი ხნული გაავლეს. ადგილობრივების ინფორმაციით ე.წ. სასაზღვრო დანაყოფის წარმომადგენლები სპეციალური ტექნიკით საოკუპაციო ხაზთან გუშინ გამოჩნდნენ და სოფლების - ცერონისისა და კნოლევის პერიმეტრზე, ე.წ. სასაზღვრო მწვანე ბანერების გასწვრივ, სასოფლო-სამეურნეო ტექნიკით ხნული გაავლეს. კნოლევის მცხოვრებთა განცხადებით, აღნიშნულ ტერიტორიაზე, 2008 წლის რუსეთ-საქართველოს ომის შემდგომ, სოფლის მოსახლეობა ვეღარ გადაადგილდება და შესაბამისად, ამ მიწების სასოფლო-სამეურნეო ან საძოვრების დანიშნულებით გამოყენებას ვეღარ ახერხებს.

შეგახსენებთ, საოკუპაციო ძალების წარმომადგენლებმა, გამყოფი ხაზის გასწვრივ, ანალოგიური ხნულები 2 კვირის წინ სოფელ ტახტიძირშიც გაავლეს და ამავე მონაკვეთზე შემდგომ ბოძებიც დაამონტაჟეს. აღნიშნული საკითხი სახელმწიფო უსაფრთხოების სამსახურის წარმომადგენლებმა, ერგნეთში, ინციდენტების პრევენციის ფორმატში გამართულ შეხვედრაზე დააყენეს და განაცხადეს, რომ მსგავსი უკანონო ე.წ. ბორდერიზაციის ფაქტები მნიშვნელოვნად აზიანებს ადგილზე უსაფრთხოების გარემოს.

კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია
თენგიზ ფხალაძე - ბაიდენის ადმინისტრაცია „იალტისთვის“ არ ემზადება, ვაშინგტონში კარგად იციან რას მოასწავებს მსოფლიოსთვის რუსეთთან გავლენის სფეროებზე დათანხმება და პოსტსაბჭოთა სივრცეში მისთვის კარტ-ბლანშის მიცემა
ქართული პრესის მიმოხილვა 11.06.2021
ვაჟა ბერიძე - პრობლემა გახარია არაა, პრობლემა ქართველი ხალხია, რომელსაც არც „ოცნება“ უნდა ხელისუფლებაში, მითუმეტეს, ივანიშვილის გარეშე  და არც პრონაციონალური კოალიცია, სააკაშვილით, ან მის გარეშე
მამუკა გონგაძე -  საერთაშორისო  ჩართულობა სიმბოლოების რეფორმას გვიადვილებს
“საერთაშორისო სავალუტო ფონდის" მუდმივი წარმომადგენელი საქართველოში სელიმ ჩეკირი - საპენსიო სისტემას ქვეყნის ეკონომიკისთვის დიდი მნიშვნელობა აქვს
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ხელფასი გათამაშდა