ბოლო 24 საათის განმავლობაში ოკუპირებულ აფხაზეთში კორონავირუსის გამოსავლენად 252 ტესტი გაკეთდა, რის შედეგადაც 41 ახალი დადასტურებული შემთხვევა გამოვლინდა. ამის შესახებ ე.წ. ოპერატიული შტაბი იუწყება.
ამავე ინფორმაციის თანახმად, პანდემიის დაწყებიდან დღემდე, მთლიანობაში ოკუპირებულ რეგიონში 14 743 შემთხვევა გამოვლინდა, 13 660 ადამიანი გამოჯანმრთელდა, გარდაიცვალა 222 ადამიანი.
დღეისთვის გუდაუთას საავადმყოფოში 43 კოვიდინფიცირებული მკურნალობს, რომელთაგან 17 ადამიანის მდგომარეობა მძიმეა, 27-ის საშუალო სიმძიმის.