ოკუპირებული ცხინვალის „ლიდერი“ ანატოლი ბიბილოვი უკრაინის ოკუპირებულ ტერიტორიაზე, დონეცკისა და ლუგანსკის თვითგამოცხადებულ რესპუბლიკებში ვიზიტს გეგმავს, - ამის შესახებ ინფორმაციას ბიბილოვის პრესსამსახური ავრცელებს.
მათივე ინფორმაციით, ბიბილოვი მონაწილეობას მიიღებს დონეცკისა და ლუგანსკის დე ფაქტო რესპუბლიკების დღეებისადმი მიძღვნილ ღონისძიებებში, რომლებიც 11 და 12 მაისს გაიმართება.
ბიბილოვი დონეცკისა და ლუგანსკის დე ფაქტო ლიდერებთან, დენის პუშილინსა და ლეონიდ პასეჩნიკოვთან შეხვედრასაც გეგმავს.
დე ფაქტო ცხინვალმა ლუგანსკისა და დონეცკის თვითგამოცხადებული სახალხო რესპუბლიკების ე.წ. „დამოუკიდებლობა“ 2014 წელს ცნო.