ისრაელის თავდაცვის ძალებმა „ჰამასის“ ორი ლიდერი მოკლეს მას შემდეგ, რაც შენობაზე, სადაც ისინი იმყოფებოდნენ, მიზანმიმართული ავიაიერიში განახორციელეს,- ამის შესახებ ინფორმაციას ისრაელის მედია ავრცელებს.
ისრაელის თავდაცვის ძალებში აცხადებენ, რომ მოკლულები არიან „ჰამასის“ სამხედრო დაზვერვის უსაფრთხოების დეპარტამენტის უფროსი ჰასან კაუგი და მისი მოადგილე ვაილ ისსა.
ამასთან, ისრაელმა ღაზას სექტორში „ჰამასის“ კიდევ სამი ლიდერის სახლები გაანადგურა.
ისრაელის თავდაცვის ძალების განცხადებით, მათი სახლები „ტერორისტული ინფრასტრუქტურის ნაწილი იყო".