დავით ზალკალიანი - ისრაელში საქართველოს საელჩო 24-საათიან სამუშაო რეჟიმში იმყოფება, მუდმივ კომუნიკაციაში ვართ ჩვენს თანამოქალაქეებთან

ისრაელში საქართველოს საელჩო 24-საათიან სამუშაო რეჟიმში იმყოფება, მუდმივ კომუნიკაციაში ვართ ჩვენს თანამოქალაქეებთან, - ამის შესახებ საგარეო საქმეთა მინისტრმა დავით ზალკალიანმა ისრაელსა და ღაზას სექტორს შორის მიმდინარე შეიარაღებული დაპირისპირების შესახებ განაცხადა.

როგორც ზალკალიანმა აღნიშნა, საქართველო გმობს სარაკეტო თავდასხმებს, რომელიც ისრაელში მშვიდობიანი მოსახლეობის წინააღმდეგ განხორციელდა.

"ძალიან გვაღელვებს ის სიტუაცია, რომელიც შექმნილია ახლო აღმოსავლეთში. რა თქმა უნდა, ვგმობთ სარაკეტო თავდასხმებს, რომელიც განხორციელდა ისრაელში მშვიდობიანი მოსახლეობის წინააღმდეგ. პირველ რიგში, გვაღელვებს ჩვენი თანამოქალაქეების ბედი, რომლებიც ამჟამად ისრაელის ტერიტორიაზე იმყოფებიან. საქართველოს საელჩო 24-საათიან სამუშაო რეჟიმში იმყოფება, მუდმივ კომუნიკაციაში ვართ ჩვენს თანამოქალაქეებთან, ამოქმედებულია ცხელი ხაზი“, - განაცხადა დავით ზალკალიანმა.

საგარეო საქმეთა მინისტრის თქმით, საქართველოს მთავრობის სურვილს წარმოადგენს რეგიონში სიტუაციის განმუხტვა, რათა მოსახლეობას მიეცეს შესაძლებლობა მშვიდობიან გარემოში გააგრძელოს ცხოვრება.

მინისტრის თქმით, ისრაელში განვითარებული მოვლენების შედეგად საქართველოს მოქალაქე მსუბუქად დაშავდა.

"მან მიიღო ძალიან მცირე დაზიანება, მაგრამ მინდა დავამშვიდო ყველა, მათ შორის მისი ოჯახის წევრები, საელჩო არის მასთან კომუნიკაციაში, არანაირი გართულება არ არის და მის ჯანმრთელობას საფრთხე არ ემუქრება, იგი უკვე გამოწერილია საავადმყოფოდან და უსაფრთხოდ გრძნობს თავს“, - განაცხადა დავით ზალკალიანმა.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა