დღეს ისრაელის თავდაცვის ძალების მეთაურები გენერალურ შტაბს ღაზას სექტორში შესაძლო სახმელეთო შეჭრის გეგმებს დასამტკიცებლად წარუდგენენ, - ამის შესახებ ინფორმაციას Times of Israel-ი ავრცელებს.

გეგმები, რომლებსაც ღაზას სამმართველო და სამხრეთის სარდლობა ადგენს, შესაძლოა, შემდეგ ისრაელის პოლიტიკურ ხელმძღვანელობას განსახილველად გადაეცეს.

Times of Israel-ი წერს, რომ ბოლო დღეების განმავლობაში პოტენციური შეჭრის წინ, ისრაელის თავდაცვის ძალებმა საზღვართან დამატებითი სახმელეთო ჯარები განალაგა, მაგრამ ასეთი კამპანიის განხორციელების გადაწყვეტილება ჯერ მიღებული არ არის.