ირაკლი ქარსელაძე - მცხეთაში ახალი სახელმწიფო პროგრამის პროექტები გენგეგმის გათვალისწინებით, ყველა კომპეტენტურ ორგანოსთან შეთანხმებით შეირჩევა

ახალი სახელმწიფო პროგრამის „განახლებული რეგიონები” ფარგლებში შექმნილი სპეციალური კომისიის მიერ შერჩეული პროექტები ურბანულ განახლებასთან ერთად ითვალისწინებს სხვადასხვა მნიშვნელოვანი კულტურული მემკვიდრეობისა და ძეგლის რეაბილიტაციას. მათ შორისაა დუშეთში ილიას სასამართლო, ყაზბეგში ცენტრალური მდებარეობის და მიმდებარე სახლები, თიანეთში ყველა ასაკის ადამიანისთვის ფუნქციურად დატვირთული სივრცეების მოწყობა, - ამის შესახებ რეგიონული განვითარებისა და ინფრასტრუქტურის მინისტრმა ირაკლი ქარსელაძემ განაცხადა.

მცხეთა-მთიანეთის რეგიონში გამართული სპეციალური კომისიის სხდომის შემდეგ მინისტრმა ასევე აღნიშნა, რომ მცხეთაში, პროგრამის განხორციელებისთვის პროექტები ქალაქის გენგეგმის გათვალისწინებით, ყველა კომპეტენტურ ორგანოსთან შეთანხმებით შეირჩევა.

„რაც შეეხება მცხეთას, მოგეხსენებათ, ჩვენ გენგეგმის დამუშავების პროცესში ვიმყოფებით და როდესაც უკვე პროცედურულად მოგვეცემა შესაძლებლობა, შერჩეული იქნება შესაბამისი არეალები. რა თქმა უნდა, ეს ყველაფერი გენგეგმასთან, იუნესკოსთან, ძეგლთა დაცვასთან და ყველა შესაბამის კომპეტენტურ ორგანოსთან შეთანხმების პირობებში განხორციელდება“,- განაცხადა ირაკლი ქარსელაძემ.

პრემიერ-მინისტრის ინიციატივით შექმნილი სახელმწიფო პროგრამის „განახლებული რეგიონები” ფარგლებში შექმნილმა სპეციალურმა კომისიამ მცხეთა-მთიანეთის რეგიონში სტეფანწმინდას ცენტრალური და დუშეთის ისტორიული ნაწილის ურბანული განვითარების შესახებ გადაწყვეტილება მიიღო.

კომისიის სხდომას, რომელიც ქალაქ მცხეთაში გაიმართა, რეგიონული განვითარებისა და ინფრასტრუქტურის მინისტრი ირაკლი ქარსელაძე, სახელმწიფო რწმუნებული მცხეთა-მთიანეთის მხარეში დავით ნოზაძე, ინფრასტრუქტურის მინისტრის მოადგილეები და რეგიონის მუნიციპალიტეტების წარმომადგენლები ესწრებოდნენ.

,,მუნიციპალიტეტის მიერ წარმოდგენილი წინადადებებიდან, პირველ ეტაპზე, გადაწყდა სტეფანწმინდას ცენტრალური ნაწილის ურბანული განახლება, დუშეთის ისტორიულ უბანში დამატებით 19 ისტორიული სახლის და ქუჩებია რეაბილიტაცია; თიანეთის სპორტული მოედნისა და მიმდენარე რეკრეაციის განვითარება“, - ნათქვამია ინფორმაციაში.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
კახა ოქრიაშვილი - "ღალატის პარტიას" არ სურს, საქართველო გახდეს ევროკავშირის წევრი ქვეყანა
დავით ზილფიმიანი მიმართვას ავრცელებს
PSP წლის ორი უმნიშვნელოვანესი ბიზნესდაჯილდოების - „ოქროს ბრენდი 2021“ და „ეროვნული ბიზნეს რეიტინგი XXII“-ის გამარჯვებულია
„წისქვილი მცხეთაში“ – „წისქვილი ჯგუფის“ სარესტორნო ქსელს დღეიდან კიდევ ერთი გამორჩეული რესტორანი ემატება
„იმპექსში“ ყოველკვირეული, უპრეცედენტო შეთავაზებები იწყება
ახალი ლიბერთი ახალი ცხოვრებისათვის - ლიბერთის და “ტელეკლინიკა - MyDoc“-ის ჯანმრთელობის ხელმისაწვდომობის პროგრამა
„აპარტ დეველოპმენტმა“ ახალი გაყიდვების ოფისი გახსნა
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება