ღაზას სექტორიდან გამოსროლილი ერთ-ერთი რაკეტა ჰეველ ეილოტის რეგიონში, ქალაქ ეილათთან ახლოს დაეცა, - ამის შესახებ ინფორმაციას ისრაელის მედია ავრცელებს.

მათივე ინფორმაციით, პალესტინელების სამიზნეს „რამონის“ საერთაშორისო აეროპორტი წარმოადგენდა. აღსანიშნავია, რომ ღაზას სექტორიდან სარაკეტო თავდასხმის გამო, ისრაელის ბენ გურიონის აეროპორტმა რეისების მიღება დროებით შეწყვიტა და თვითმფრინავების დასხდომა ბენ გურიონის აეროპორტის ნაცვლად „რამონის“ აეროპორტში ხდება.

აღსანიშნავია, რომ ეილათთან ახლოს ჩამოვარდნილმა რაკეტამ დაახლოებით 250 კილომეტრი დაფარა. რაკეტის გაშვებამდე ცოტა ხნით ადრე „ჰამასმა“ განაცხადა, რომ დაიწყო ახალი რაკეტის - Ayyash 250-ის- გამოყენება, რომელიც მას საშუალებას მისცემს ისრაელში ნებისმიერ წერტილს დაარტყას.