ისრაელის არმიამ გაავრცელა ვიდეო კადრები, სადაც ჩანს, როგორ აგდებს F-16-ის ტიპის გამანადგურებელი ღაზას სექტორიდან გაშვებულ ე.წ. კამიკაძე დრონს.

ისრაელის მედიის ინფორმაციით, „ჰამასმა“ ღაზადან ისრაელის მიმართულებით რამდენიმე ასეთი დრონი გაუშვა.

ღაზას სექტორიდან ისრაელის წინააღმდეგ სარაკეტო თავდასხმა განახლდა. ქვეყნის ცენტრალური და სამხრეთ ნაწილების მიმართულებით 100-ზე მეტი რაკეტა გაისროლეს, რის შედეგადაც დაშავებულია 4 ადამიანი. დაშავებულებს შორის 7 წლის ბავშვი და სამი ქალია.