ისრაელის სახმელეთო ჯარები ამჟამად ღაზის სექტორში არ იმყოფებიან, - ამის შესახებ ისრაელის თავდაცვის ძალების მიერ გავრცელებულ ოფიციალურ განცხადებაშია აღნიშნული.

თუმცა, ისრაელის არმიაში აცხადებენ, რომ ღაზას სექტორზე შეტევას როგორც საჰაერო ასევე სახმელეთო ძალები ახორციელებენ.

“განმარტება: ისრაელის თავდაცვის ძალების სახმელეთო ჯარები ღაზას სექტორში არ იმყოფებიან. ისრაელის სახმელეთო და საჰაერო ძალები ახორციელებენ თავდასხმებს ღაზას სექტორში არსებულ სამიზნეებზე,“- აღნიშნულია ისრაელის თავდაცვის ძალების განცხადებაში.

ცნობისათვის, ისრაელის თავდაცვის ძალები ამ განცხადებით ზოგიერთი მედია საშუალების მიერ გავრცელებულ ინფორმაციას ეხმაურება იმასთან დაკავშირებით, რომ ისრაელის სახმელეთო ჯარებმა ღაზას სექტორში სახმელეთო შეტევა დაიწყო.