ბენიამინ ნეთანიაჰუ - მე ვთქვი, რომ „ჰამასსა“ და სხვა ტერორისტულ ჯგუფებს მნიშვნელოვან დარტყმას მივაყენებდით და ასეც ვიქცევით, ეს ჯერ არ მორჩენილა

ისრაელის პრემიერ-მინისტრი ბენიამინ ნეთანიაჰუ აცხადებს, რომ „ჰამასის“ ლიდერები მძიმე საფასურს გადაიხდიან ისრაელზე თავდასხმისთვის და ეს პროცესი ჯერ არ დამთავრებულა.

„მე ვთქვი, რომ „ჰამასსა“ და სხვა ტერორისტულ ჯგუფებს მნიშვნელოვან დარტყმას მივაყენებდით და ასეც ვიქცევით. ბოლო დღეს ჩვენ იერიში მივიტანეთ მიწისქვეშა სამიზნეებზე.

„ჰამასი“ ფიქრობდა, რომ იქ დაიმალებოდა, მაგრამ ვერ დაიმალა. „ჰამასის“ ლიდერები ფიქრობდნენ, რომ ხელიდან დაგვისხლტებოდნენ, მაგრამ ვერ გაიქცნენ. ჩვენ მათ ყველგან მივაგნებთ და ასე გავაგრძელებთ. ისინი თავს დაგვესხნენ ჩვენს დღესასწაულზე, ისინი თავს დაესხნენ ჩვენ დედაქალაქს, მათ რაკეტები დაუშინეს ჩვენს ქალაქებს. ისინი იხდიან და კვლავაც გადაიხდიან მძიმე საფასურს ამისთვის. ეს ჯერ არ მორჩენილა. ჩვენ ყველაფერს გავაკეთებთ, რომ უსაფრთხოება აღვადგინოთ ჩვენს ქალაქებში და მოქალაქეებისთვის“, - განაცხადა ნეთანიაჰუმ ვიდეომიმართვისას.

მან მადლობა გადაუხადა აშშ-ის, საფრანგეთის, დიდი ბრიტანეთის, გერმანიის ლიდერებს და ყველა სხვას, ვინც მხარდაჭერა შესთავაზა.

„ისინი ემხრობიან ჩვენს ბუნებრივ და აშკარა უფლებას, რომ დავიცვათ თავი იმ ტერორისტებისგან, რომლებიც თავს ესხმიან მშვიდობიან მოსახლეობას და მათ უკან იმალებიან“, - აღნიშნა ნეთანიაჰუმ.

ავთანდილ წულაძე - მაკრონის, შოლცისა და ტუსკის შეხვედრის შემდეგ ცხადი გახდა, რომ უკრაინის იარაღის გარეშე დატოვების გეგმა ჩავარდა, ევროპისა და უკრაინა-რუსეთს შორის სამხედრო დაპირისპირება გაგრძელდება  და გაღრმავდება
„საქართველო მეცნიერების ქვეყანაა“ - აკადემიკოსი როინ მეტრეველი
ქართული პრესის მიმოხილვა 18.03.2024
Webster University Georgia-ს ფსიქოლოგიის საბაკალავრო პროგრამა დაემატა
Webster University Georgia-ს კომპიუტერული მეცნიერებების საბაკალავრო პროგრამა დაემატა