გავრცელებული ინფორმაციით, ისრაელის მხრიდან ცეცხლის შედეგად საზღვარზე პროტესტის ლიბანელი მონაწილე დაიღუპა

ისრაელის მედიის ინფორმაციით, ისრაელის თავდაცვის ძალების მხრიდან გახსნილ ცეცხლს ლიბანელი პროტესტის მონაწილე ემსხვერპლა. „მას შემდეგ, რაც ისრაელის თავდაცვის ძალების ტანკებმა ლიბანელი პროტესტის მონაწილეების მისამართით ისროლეს, რომლებმაც ისრაელის საზღვარი გადაკვეთეს, პროტესტის ერთ-ერთი მონაწილე გაქცევისას დაიჭრა და გარდაიცვალა“, - წერს გამოცემა Times of Israel.

მანამდე, ისრაელის თავდაცვის ძალებმა გაავრცელა ინფორმაცია, რომ ისრაელის ტერიტორიაზე მოსაზღვრე ლიბანიდან რამდენიმე პირი შეიჭრა, მათმა ტანკებმა კი არეულობის მონაწილეების მისამართით გამაფრთხილებელი გასროლა განახორციელეს. მათივე ცნობით, არეულობის მონაწილეებმა ლიბანის ტერიტორიაზე დაბრუნებამდე სასაზღვრო ღობე გაარღვიეს და ტერიტორიაზე ცეცხლი დაანთეს. ისრაელის მედიის ინფორმაციით, პროტესტის მონაწილეებს „ჰეზბოლას“ დროშა ეკავათ.

ინციდენტი ისრაელის ქალაქ მეტულასთან მოხდა. 13 მაისს ისრაელმა გაავრცელა ინფორმაცია, რომ მოსაზღვრე ლიბანიდან ისრაელის მიმართულებით სამი რაკეტა ისროლეს და რაკეტები ხმელთაშუა ზღვაში ჩავარდა, ისრაელის ჩრდილოეთ სანაპიროებთან. სავარაუდოდ, ისრაელის მიმართულებით რაკეტები ლიბანის სამხრეთში მცხოვრები პალესტინელი ლტოლვილების ბანაკიდან გაუშვეს.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 04.07.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
სოსო ტყემალაძე - აბასთუმნის კურორტის განვითარებისთვის, რომლის ინიციატივა ბიძინა ივანიშვილს ეკუთვნის, 1.3 მილიარდი ლარი დაიხარჯება
ბილბორდი - საქართველო - BILLBOARD GEORGIA - საქართველოში მუსიკალურ ჩარტებსა და სიახლეებს შემოიტანს