ამ წუთებში ისრაელის ქალაქ აშკელონში სარაკეტო სირენის ხმა ისმის მას შემდეგ, რაც ბოლო ორი საათის განმავლობაში სამხრეთით მდებარე ქალაქები დაიცხრილა. ამის შესახებ timesofisrael იუწყება.

გამოცემის ინფორმაციითვე, სამაშველო სამსახურში Magen David Adom -ში განაცხადეს, რომ ისრაელის ქალაქებში სარაკეტო დარტყმების შედეგად, ბოლო ერთი საათის განმავლობაში არავინ დაშავებულა.

მხოლოდ ერთმა ქალბატონმა მიიღო უმნიშვნელო დაზიანება, როდესაც თავშესაფრისკენ გარბოდა.

„ჰამასის“ მართვაში მყოფი ჯანდაცვის სამინისტრომ ღაზაში ბოლო მონაცემები განაახლა, რომლის მიხედვითაც სექტორში გარდაცვლილთა რაოდენობა 181-მდე გაიზარდა, მათგან 52 ბავშვია და 31 ქალი.