ადგილობრივი დროით 19:00 საათზე ქალაქ აშდოდზე და მისი მოსაზღვრე რაიონებზე სარაკეტო დარტყმა განხორციელდა.
ადგილობრივი მედიის ინფორმაციით, მუშაობს ჰაერსაწინააღმდეგო თავდაცვის სისტემა „რკინის გუმბათი“.
მანამდე, რამდენიმე წუთით ადრე, განგაშის სიგნალი ჩაირთო აშკელონში, ნეტიბოთში და მიმდებარედ.
მედიის ცნობით, დაფიქსირებულია რაკეტების გაშვება ღაზას სექტორიდან. აქაც მუშაობს „რკინის გუმბათი“.
„ჰამასის“ სამხედრო ფრთის „იზადინ ალ-ყასიმის ბრიგადების“ წარმომადგენელმა აბუ უბაიდამ განაცხადა, რომ თუკი „ცახალი“ დაყოვნებლივ არ შეწყვეტს ღაზას სექტორში სახლების დაბომბვას, კვლავ განხორციელდება თელ-ავივის მისამართით მასობრივი სარაკეტო დარტყმა.