ღაზას სექტორში ორგანიზაცია „ჰამასის“ მაღალჩინოსნის განცხადებით, ამ ეტაპზე შეთანხმება ცეცხლის შეწყვეტის შესახებ არ არის მიღწეული.
მისი თქმით, „ჰამასმა“ უარყო ისრაელის შეთავაზება, რომელიც მოითხოვდა, შეწყვეტილიყო სარაკეტო თავდასხმები ღაზას სექტორიდან სამი საათით ადრე ზავის ამოქმედებამდე.
„ჰამასში“ დაჟინებით ითხოვენ, რომ ცეცხლი ერთდროულად შეწყდეს.
ებრაული მედიის ბოლო ინფორმაციით, თელ-ავივში აშშ-ის საელჩო, ღაზას სექტორიდან განხორციელებული დარტყმების გამო, დროებით აჩერებს საკონსულო განყოფილების მუშაობას, რომელიც ვიზებსა და პასპორტებთან დაკავშირებულ მიმართვებს ამუშავებს.
ისრაელის არმიის პრესსამსახურის ცნობით, დღეს 7:00-დან 19:00 საათამდე ღაზას სექტორიდან 270 რაკეტა გაისროლეს, მათგან 45 რაკეტა სექტორის ტერიტორიაზე ჩამოვარდა, 90 % რაკეტებისა ისრაელის ჰაერსაწინააღმდეგო თავდაცვის სისტემა „რკინის გუმბათმა“ გაანადგურა.