თუ გრიგოლ ვაშაძე პარლამენტში იქნება მისი დიპლომატიური და საერთაშორისო გამოცდილებით, ეს სულაც არ იქნება ცუდი, - ამის შესახებ „ნაციონალური მოძრაობის“ ერთ-ერთმა ლიდერმა, რომან გოცირიძემ „პალიტრანიუსის“ გადაცემა „360 გრადუსში“ პარტიის ყოფილ თავმჯდომარე გრიგოლ ვაშაძესთან დაკავშირებით, წამყვანის კითხვის საპასუხოდ განაცხადა.
კითხვაზე იხილავდა თუ არა გიორგი ვაშაძეს პარლამენტში, რომან გოცირიძის განცხადებით, ვაშაძეს ევროპული საბჭოს პრეზიდენტის შარლ მიშელის მიერ მომზადებულ შეთანხმების დოკუმენტზე აქვს მოწერილი ხელი, შესაბამისად „ეს სულაც არ გაუკვირდება“.
"ამ ექვსთვიან პროცესში არავინ გამოსულა ზიანის გარეშე, გრიგოლ ვაშაძე არ არის ჩვენთან და არც სალომე სამადაშვილია. რაც უფრო გაგრძელდებოდა ოპოზიციურ ფლანგზე გაურკვევლობა და ჩამოუყალიბებლობა ეს აზიანებდა ოპოზიციას.
არ ვიცი თვითონ მიიღებს გადაწყვეტილებას, მან მოაწერა ხელი და სულაც არ გამიკვირდება, რატომაც არა. რა თქმა უნდა, თუ გრიგოლ ვაშაძე პარლამენტში იქნება მისი დიპლომატიური და საერთაშორისო გამოცდილებით ეს სულაც არ იქნება ცუდი, თუმცა ეს მისი გადასაწყვეტია. დღეს გადაწყვეტილება მისაღებია ძალიან სწრაფად - ან შესვლა, ან არ შესვლა და არავითარი დროის გაწელვა“, - აღნიშნა რომან გოცირიძემ.