აშშ-ის სახელმწიფო დეპარტამენტმა თურქეთის პრეზიდენტის, რეჯეფ თაიფ ერდოღანის ებრაელ ხალხთან დაკავშირებით ბოლო დროს გამოთქმული კომენტარები ანტისემიტურ განცხადებებად შეაფასა და მკაცრად დაგმო.

„მოვუწოდებთ პრეზიდენტ ერდოღანს და თურქეთის სხვა ლიდერებს, თავი შეიკავონ წამქეზებლური სიტყვებისგან, რამაც შეიძლება შემდგომი ძალადობა გამოიწვიოს. ანტისემიტური ენის ადგილი არსად არ არის”, - განაცხადა აშშ-ის სახელმწიფო დეპარტამენტის პრესსპიკერმა ნედ პრაისმა.

ერდოღანმა ისრაელი ღაზას სექტორის წინააღმდეგ განხორციელებული საჰაერო თავდასხმების გამო გააკრიტიკა და „ტერორისტული სახელმწიფო“ უწოდა და განაცხადა, რომ „ეს მათ ბუნებაში დევს.“