ეს სტატია არის საქართველოსა და ევროკავშირის ურთიერთობების საკმაოდ ფართო პერსპექტივა, ეს არის საქართველო-ევროკავშირის შესახებ და იმ სამომავლო მოლოდინებზე, რაც 19 აპრილს გაფორმებული ხელშეკრულების საფუძველზე არსებობს, - ამის შესახებ ევროკავშირის ელჩმა საქართველოში კარლ ჰარცელმა განაცხადა, რითაც ის საქართველოს პრეზიდენტ სალომე ზურაბიშვილისა და ევროპული საბჭოს პრეზიდენტ შარლ მიშელის ერთობლივ სტატიას გამოეხმაურა, რომელიც დღეს გამოქვეყნდა.
„მე ამ სტატიას განვიხილავ, როგორც კარგ შეჯამებას თუ რა მოლოდინები აქვს ევროკავშირს და ის ხაზს უსვამს იმ ფაქტებს, რომ საქართველო არის ევროკავშირის მნიშვნელოვანი პარტნიორი და ჩვენ მოუთმენლად ველით საქართველოსა და ევროკავშირს შორის პარტნიორობის გაღრმავებას. არ უნდა დაგვავიწყდეს ისიც, რომ ამ სტატიის აუდიტორია სცდება საქართველოს ფარგლებს და წარმოადგენს ფართო საერთაშორისო აუდიტორიას. ეს მნიშვნელოვანია, ვინაიდან ეს არის საქართველოს და ჩვენი პარტნიორობის საერთაშორისო ყურადღების ცენტრში მოქცევის გზა“, - აღნიშნა ელჩმა.