ისრაელის ინფორმაციით, ღაზას სექტორიდან ბოლო 12 საათში ისრაელის მიმართულებით 230 რაკეტა და საარტილერიო ჭურვი ისროლეს
ისრაელის თავდაცვის ძალების ინფორმაციით, ღაზას სექტორიდან ისრაელის მიმართულებით ბოლო 12 საათის განმავლობაში 230 რაკეტა და საარტილერიო ჭურვი ისროლეს.
მათივე მონაცემებით, აქედან 30 რაკეტა თავად ანკლავის ტერიტორიაზე ჩამოვარდა.
სამხედრო უწყების ცნობით, საჰაერო თავდაცვითმა სისტემამ „რკინის გუმბათმა“ ისრაელის დასახლებული ტერიტორიებისკენ მიმართული ჭურვების დაახლოებით 90% გაანეიტრალა.
ისრაელის მედიის ინფორმაციით, აღნიშნული დაბომბვებისას 10-ზე მეტი ჯარისკაცი დაშავდა.
