სალომე სამადაშვილი - დიდი იმედი მაქვს,  “ნაციონალური მოძრაობა” არ მიიღებს გადაწყვეტილებას, რომ პარლამენტში პარტიულად არ შევა, ხოლო ცალკეული დეპუტატები შევლენ, ეს პოლიტიკური ხარაკირი იქნება

დიდი იმედი მაქვს “ნაციონალური მოძრაობა” არ მიიღებს ამ გადაწყვეტილებას, რომ პარტიულად არ შევა პარლამენტში და ცალკეული დეპუტატები შევლენ, ეს იქნება პოლიტიკური ხარაკირი, - ამის შესახებ საპარლამენტო ფრაქცია „ლელო - პარტნიორობა საქართველოსთვის“ წევრმა სალომე სამადაშვილმა “პალიტრანიუსის“ გადაცემა „360 გრადუსში“ განაცხადა.

მისივე თქმით, ამ ეტაპზე „ნაციონალური მოძრაობის“ მხრიდან სწორი გადაწყვეტილება იქნება, რომ პარლამენტში გააგრძელონ მუშაობა და მნიშვნელოვანი ინიციატივების განხილვაში მიიღონ მონაწილეობა.

„იმედი მაქვს, რომ პარტია მსგავს გაუმართავ გადაწყვეტილებას არ მიიღებს და მიიღებს გადაწყვეტილებას, რომ ან საკუთარი დეპუტაციით შედის პარლამენტში, ან არ შედის და არავინ არ შევა გარდა იმ ხალხისა, რომელიც ტოვებს „ნაციონალურ მოძრაობას“. ხელმოწერისთვის შეთანხმება ღიაა ინდივიდუალური დეპუტატებისთვისაც, ამიტომ ამის უფლება მათ აქვთ, მაგრამ, ჩემი აზრით, ეს პოლიტიკურად ყველაზე ცუდი იქნება. მე ამ პარტიიდან წამოვედი, მაგრამ კარგის მეტს არაფერს ვუსურვებ და იმედი მაქვს, რომ სწორ გადაწყვეტილებას მიიღებენ“, - აღნიშნა სალომე სამადაშვილმა.

მან ასევე უპასუხა წამყვანის შეკითხვას საარჩევნო რეფორმასთან დაკავშირებით. სამადაშვილის შეფასებით, „იმ ხალხს, რომელიც საარჩევნო რეფორმას თავს ესხმის“, ადგილობრივი თვითმმართველობის არჩევნებზე ამომრჩევლის მობილიზება გაუჭირდება.

,,კარგი იქნებოდა, რომ საარჩევნო რეფორმაში დამატებითი შემაკავებელი მექანიზმები ჩადებულიყო, მაგრამ რაც ჩაიდო მგონია, რომ იქნება დიდი გარღვევა ჩვენს საარჩევნო სისტემაში. არჩევნებთან დაკავშირებით პრობლემები ჩვენს ქვეყანაში ამ არჩევნებზე არ დაწყებულა. ეს არის ელემენტარული განვითარების პრობლემა, რომ ქვეყანა, რომელსაც პრეტენზია აქვს ევროკავშირში გაწევრიანების განაცხადის გაკეთებაზე, ვერ ატარებს არჩევნებს. ეს არის იმის მაჩვენებელი, რომ ჩვენ ძალიან შორს ვართ იმ საზოგადოებისგან, სადაც გვინდა, რომ აღმოვჩნდეთ. ახლა იქმნება ახალი მექანიზმები, თუ ეს მექანიზმები ამუშავდა შეიძლება გვქონდეს შანსი დავემსგავსოთ ნორმალურ ევროპულ სახელმწიფოს, სადაც არჩევნების შემდეგ ყოველ ჯერზე არ იწყება განხილვა ასახავს თუ არა არჩევნების შედეგები ამომრჩევლის ნებას. ეს ყველასთვის მოსაბეზრებელია და იწვევს ადამიანებში ძალიან დიდ ნიჰილიზმს.

ძალიან მაინტერესებს, ის ხალხი, რომელიც თავს ესხმის ამ შეთანხმებას და ამბობს, რომ არაფერი არ გამოვა, როგორ აპირებს ადგილობრივ არჩევნებზე მოიყვანოს ხალხი. მე რომ ვიყო ამომრჩეველი, რომელსაც მეუბნებიან, რომ გამიყალბეს არჩევნები და ეს შეთანხმებაც ვერაფერს ვერ შეცვლის, მაშინ რატომ მოვალ არჩევნებზე? სწორედ ამიტომ არის მნიშვნელოვანი საარჩევნო რეფორმის განხორციელება, რომ არჩევნებს ისევ ეძლევა აზრი და ადამიანებს მოტივაცია, რატომ უნდა მიიღონ მონაწილეობა არჩევნებში და დაიჯერონ, რომ ამ ჯერზე არჩევნების შედეგები რეალურად ასახავს ამომრჩევლის ნებას. თუ „ქართული ოცნება“ ამას ისევ შეეწინააღმდეგება, ამის შედეგი იქნება მათთვის ძალიან მძიმე“, - აღნიშნა სალომე სამადაშვილმა.

იხილეთ ვიდეო:დიდი იმედი მაქვს “ნაციონალური მოძრაობა” არ მიიღებს გადაწყვეტილებას, რომ პარლამენტში პარტიულად არ შევა, ხოლო ცალკეული დეპუტატები შევლენ, ეს პოლიტიკური ხარაკირი იქნება - სალომე სამადაშვილი

ეკატერინე ციმაკურიძე - განსაკუთრებული პრობლემაა ხელისუფლების მცდელობები თავი აარიდოს 19 აპრილის შეთანხმების ისე შესრულებას, როგორც ეს თავად ამ შეთანხმებითაა ნაგულისხმევი
ქართული პრესის მიმოხილვა 23.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ჭარბი წონა მსოფლიოში არა მხოლოდ პრობლემა,  დიდი ხანია, პანდემიაა (R)
"თბილისის ბალნეოლოგიურ კურორტში“ კონფერენცია „კურორტოლოგიის როლი მედიცინაში“ გაიმართა
ტერაბანკმა FMO-სგან გრძელვადიანი დაფინანსება მიიღო