მსოფლიო ლიდერები ისრაელსა და „ჰამასს“ შორის ცეცხლის შეწყვეტას ეხმიანებიან

მჯერა, რომ პალესტინელები და ისრაელელები თანაბრად იმსახურებენ უსაფრთხოდ და დაცულად ცხოვრებას, - ამის შესახებ აშშ-ის პრეზიდენტმა ჯო ბაიდენმა განაცხადა, რითაც ის ისრაელსა და „ჰამასს“ შორის ცეცხლის შეწყვეტის რეჟიმის ამოქმედებას გამოეხმაურა.

”ჩემი ადმინისტრაცია განაგრძობს მშვიდ, უშურველ დიპლომატიას ამ მიზნის მისაღწევად. მჯერა, რომ პროგრესის მისაღწევად რეალური შესაძლებლობა გვაქვს და მზად ვარ, ამისთვის ვიმუშაო,“- განაცხადა ბაიდენმა.

ეგვიპტის პრეზიდენტის აბდულ ფათაჰ ალ-სისის თქმით, ის ამერიკელ კოლეგას, ჯო ბაიდენს ტელეფონით ესაუბრა და მათ იმ ფორმულის მიღწევაზე იმსჯელეს, რომელიც ისრაელსა და ღაზას შორის არსებულ კონფლიქტს დაამშვიდებდა.

გაერთიანებული სამეფოს საგარეო საქმეთა მინისტრმა დომინიკ რააბმა განაცხადა, რომ ის ისრაელსა და „ღაზას“ შორის ცეცხლის შეწყვეტას მიესალმება.

„ყველა მხარემ უნდა იმუშაოს, რომ ცეცხლის შეწყვეტა მყარი იყოს და დასრულდეს ძალადობის და მშვიდობიანი მოსახლეობის დაღუპვის მიუღებელი ციკლი. გაერთიანებული სამეფო აგრძელებს მშვიდობის დამყარების ძალისხმევას,“- განაცხადა დომინიკ რააბმა.

ცეცხლის რეჟიმის ამოქმედებას გამოეხმაურა გაეროს გენერალური მდივანი ანტონიო გუტერეშიც.

„ისრაელისა და პალესტინის ლიდერებს პასუხისმგებლობა აკისრიათ სიმშვიდის აღდგენის მიღმა : სერიოზული დიალოგის დაწყება კონფლიქტის ძირითადი მიზეზების გადასაჭრელად,“- აღნიშნა გუტერეშმა.

შეგახსენებთ, ისრაელსა და „ჰამასს“ შორის ეგვიპტის შუამავლობით მიღწეული ცეცხლის შეწყვეტის შეთანხმება დღეს, 02:00 საათიდან შევიდა ძალაში.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია