სალომე სამადაშვილი - კარგი იქნება, თუ „ნაციონალური მოძრაობა" შემოვა პარლამენტში, რადგან მოგვეცემა შესაძლებლობა, შევქმნათ საგამოძიებო კომისიები სხვადასხვა საკითხზე

კარგი იქნება, თუ „ნაციონალური მოძრაობა" შემოვა პარლამენტში, რადგან ჩვენ მოგვეცემა შესაძლებლობა, მაგალითად, რომ შევქმნათ საგამოძიებო კომისიები სხვადასხვა საკითხზე,- ამის შესახებ ფრაქცია „ლელო - პარტნიორობა საქართველოსთვის" დეპუტატმა სალომე სამადაშვილმა ჟურნალისტებთან განაცხადა.

მისი თქმით, „ნაციონალური მოძრაობის“ გარეშე ოპოზიცია საგამოძიებო კომისიას ვერ შექმნის, რადგან ამისთვის საკმარისი ხმები არ აქვს.

„მათ შორის, იცით, რომ დღეს მიმდინარეობს განხილვა ამნისტიის კანონპროექტის და ჩვენ, იცით, რომ მხარს ვუჭერთ საგამოძიებო კომისიის შექმნის იდეას 19-21 ივნისის მოვლენების გამოძიების მიზნით. ამას ჩვენ ვერ მოვახერხებთ იმ შემთხვევაში, თუ „ნაციონალური მოძრაობის“ დეპუტაცია არ იქნება პარლამენტში წარმოდგენილი, რადგან დღეს ოპოზიციას ამისთვის საკმარისი ხმები არ აქვს. ამიტომ მიმაჩნია, რომ კარგი იქნება თუ „ნაციონალური მოძრაობა“ შესაბამის გადაწყვეტილებას მიიღებს, მაგრამ თუ ისინი თავისი პოლიტიკური დღის წესრიგიდან გამომდინარე ამაზე უარს იტყვიან, ეს არ ცვლის ჩვენს დღის წესრიგს პარლამენტში, რაც არის მიშელის გეგმის სწრაფი განხორციელების უზრუნველყოფა“,- განაცხადა სამადაშვილმა.

ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ქართული პრესის მიმოხილვა 18.06.2021
ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ჩვენ ყოველთვის ღია ვართ დისკუსიისთვის - სოციალური კვლევის ინსტიტუტი საქართველოს დაავადებათა კონტროლისა და საზოგადოებრივი ჯანმრთელობის ეროვნულ ცენტრს მიმართავს