ამნისტიის საკითხზე პარლამენტის თავმჯდომარესთან დამატებითი კონსულტაციები გაიმართება

19-20 ივნისის მოვლენებთან დაკავშირებით ამნისტიის მიღების საკითხზე პარლამენტის თავმჯდომარე კახა კუჭავასთან კონსულტაციები გაიმართება. პლენარულ სხდომაზე შესვენების გამოცხადების შემდეგ, დამატებითი კონსულტაციების გამართვა დეპუტატებს თავად კუჭავამ შესთავაზა.

„ამნისტიის შესახებ“ ორი კანონპროექტი პარლამენტის პლენარული სხდომის დღის წესრიგში ასახულია. ბიუროს სხდომაზე ფრაქცია „ლელო - პარტნიორობა საქართველოსთვის“ თავმჯდომარე ბადრი ჯაფარიძემ კანონპროექტების პლენარულ სხდომაზე განხილვის გადადებისა და მსჯელობის სამუშაო ფორმატში გაგრძელების წინადადება დასვა.

„საჭიროა ემოციები დავაცხროთ. დავარწმუნოთ საზოგადოება, რომ არ არის მცდელობა იმისა, რომ პოტენციური დამნაშავეებისთვის სივრცე შევქმნათ“, - აღნიშნა ბადრი ჯაფარიძემ.

თავად საპარლამენტო უმრავლესობის მხრიდან გამოითქვა მოსაზრება, რომ განხილვის გადადების საჭიროება არ არსებობს, ის განსხვავებული მოსაზრებები კი, რაც საკომიტეტო მოსმენების დროს გამოითქვა, პროექტის მეორე მოსმენით განსახილველი საკითხებია.

კოლეგების პასუხად, პარლამენტის თავმჯდომარე კახა კუჭავა პირადად მისი მონაწილეობით კონსულტაციების გამართვის წინადადებით გამოვიდა.

„შევიკრიბოთ ჩემთან. ვნახოთ, ვცადოთ არის თუ არა საშუალება, რომ დაახლოვდეს პოზიციები. ეს ყველაზე სწორი გადაწყვეტილება იქნება“, - განაცხადა კახა კუჭავამ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს