19-20 ივნისის მოვლენებზე მომზადებულ ამნისტიის პროექტთან დაკავშირებით პარლამენტის თავმჯდომარის კახა კუჭავას კაბინეტში კონსულტაციები დაიწყო.
მოლაპარაკებებში მონაწილეობენ შალვა შავგულიძე, ბადრი ჯაფარიძე, გიორგი ვაშაძე, ანა ნაცვლიშვილი, იაგო ხვიჩია, მიხეილ სარჯველაძე, ანრი ოხანაშვილი, დავით მათიკაშვილი. მხარეები ამნისტიის აქტზე პოზიციების შეჯერებას შეეცდებიან. მიმდინარე შეხვედრაზე გადაწყდება, გავა თუ არა საკანონმდებლო ინიციატივა დღევანდელ პლენარულ სხდომაზე.
„ლელო" ამნისტიის პროექტის განხილვის გადადებას ითხოვს.
ამნისტიის შესახებ პარლამენტში ორი კანონპროექტია წარდგენილი. ერთის ავტორი "ქართული ოცნებაა". ალტერნატიული ვარიანტი საპარლამენტო ოპოზიციამ მოამზადა.