ჟოზეფ ბორელი - ევროკავშირის მინისტრების ჯგუფი, ჩემი სახელით, სამხრეთ კავკასიის სამ ქვეყანაში ვიზიტს გამართავს

ჩემი სახელით, ევროკავშირის მინისტრების ჯგუფი სამხრეთ კავკასიის სამ ქვეყანაში ჩავა, – ეს განცხადება ევროკავშირის უმაღლესმა წარმომადგენელმა საგარეო პოლიტიკისა და უსაფრთხოების საკითხებში ჟოზეფ ბორელმა ლისაბონში, ევროკავშირის საგარეო საქმეთა მინისტრების არაფორმალური შეხვედრის შემდეგ გამართულ პრესკონფერენციაზე გააკეთა.

„ევროკავშირის მინისტრების ჯგუფი, ჩემი სახელით, კავკასიის სამ ქვეყენაში ვიზიტს გამართავს, რათა ვაჩვენოთ ჩვენი მზადყოფნა, ჩავერთოთ რეგიონში მიმდინარე მოვლენებში“, – განაცხადა ევროკავშირის უმაღლესმა წარმომადგენელმა.

მისი თქმით, მინისტერებმა ხანგრძლივი დისკუსია გამართეს აღმოსავლეთ სამეზობლოში გადაუჭრელი კონფლიქტების საკითხზე.

„განვიხილეთ გადაუჭრელი კონფლიქტების საკითხები აღმოსავლეთ სამეზობლოში. უფრო ეფექტური უნდა გავხდეთ იმისთვის, რომ რეგიონის სტაბილურობა დავიცვათ. მერწმუნეთ, ძალიან ხანგრძლივი განხილვა იყო, რადგან აღმოსავლეთ პარტნიორობის ქვეყნებში ძალიან ბევრი მოუგვარებელი კონფლიქტი არსებობს. ჩვენ თითოეული კონფლიქტი განვიხილეთ და გავაანალიზეთ, რისი გაკეთება შეუძლია ევროკავშირს იმისთვის, რათა ეს კონფლიქტები მშვიდობიანი გზით მოგვარდეს, რათა ორმხრივი კონტაქტები გაძლიერდეს და ჩვენი მონაწილება ეუთო-ში განმტკიცდეს“, – განაცხადა ჟოზეფ ბორელმა.

იხილეთ ვიდეო:ჟოზეფ ბორელი - ევროკავშირის მინისტრების ჯგუფი, ჩემი სახელით, სამხრეთ კავკასიის სამ ქვეყანაში ვიზიტს გამართავს

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
"გალფის" ინიციატივით 100 პირველკურსელს, რომელმაც ერთიან ეროვნულ გამოცდებში უმაღლესი ქულები მიიღო, ერთწლიანი ყოველთვიური სტიპენდია დაენიშნება
„საქართველოს ბანკის“ აქციების ღირებულება რეკორდულ მაქსიმუმზეა
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის