დავით ზალკალიანის განცხადებით, ევროპარლამენტარებისთვის გაუგებარია ის სპეკულაციები, რომელიც პარლამენტში შესვლასთან დაკავშირებით დღემდე მიმდინარეობს

საგარეო საქმეთა მინისტრის დავით ზალკალიანის განცხადებით, ევროპარლამენტარებისთვის გაუგებარია ის სპეკულაციები, რომელიც პარლამენტში შესვლასთან დაკავშირებით დღემდე მიმდინარეობს.

როგორც მან ჟურნალისტებს პარლამენტს გარეთ მყოფი ოპოზიციისადმი ევროპარლამენტარების მიერ საკანონმდებლო ორგანოში შემოსვლის მოწოდებების შეფასებისას განუცხადა, დემოკრატიული და საპარლამენტო პროცესი არის ქვეყნის ევროპული ინტეგრაციის შემადგენელი ნაწილი.

„რა თქმა უნდა, ეს ჩვენი მეგობრების გზავნილებია, ვისაც ნამდვილად სურს, რომ საქართველოში იხილონ მრავალფუნქციური, ჭეშმარიტი, დემოკრატიული პარლამენტი. ეს არის დემოკრატიული სახელმწიფოს განუყოფელი ნაწილი. მათთვის გაუგებარია ის სპეკულაციები, რომელიც სამწუხაროდ, დღემდე მიმდინარეობს. ვფიქრობ, რომ ოპოზიციის ის ჯანსაღი ნაწილი, რომელიც უკვე პარლამენტშია, აქტიურად ჩაერთო საკანონმდებლო საქმიანობაში, მნიშვნელოვან წვლილს შეიტანს ჩვენი ევროპული და ევროატლანტიკური ინტეგრაციის მიზნის განხორციელებაში, რადგან დემოკრატიული და საპარლამენტო პროცესი არის ჩვენი ევროპული ინტერგრაციის შემადგენელი ნაწილი. თუკი ჩვენ გვსურს, რომ საქართველო დაბრუნდეს ევროპულ ოჯახში, ეს მრავალფუნქციური პარლამენტის გარეშე არ გამოვა, ამიტომ გასაგებია ჩვენი ევროპელი პარტნიორების ზრუნვა ამ თემაზე“, - განაცხადა ზალკალიანმა.

იხილეთ ვიდეო: დავით ზალკალიანის განცხადებით, ევროპარლამენტარებისთვის გაუგებარია ის სპეკულაციები, რომელიც პარლამენტში შესვლასთან დაკავშირებით დღემდე მიმდინარეობს

ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ქართული პრესის მიმოხილვა 18.06.2021
ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ჩვენ ყოველთვის ღია ვართ დისკუსიისთვის - სოციალური კვლევის ინსტიტუტი საქართველოს დაავადებათა კონტროლისა და საზოგადოებრივი ჯანმრთელობის ეროვნულ ცენტრს მიმართავს