"ერთიანი ნაციონალური მოძრაობის" ოფისში პოლიტიკური საბჭოს სხდომა მიმდინარეობს.დღევანდელ სხდომაზე პარტიის ლიდერები პარლამენტში შესვლა-არშესვლის საკითხზე იმსჯელებენ და მისი დასრულების შემდეგ საბოლოო გადაწყვეტილებას გაასაჯაროებენ.

როგორც პარტიის ერთ-ერთმა წევრმა ხატია დეკანოიძემ განაცხადა, დღეს წარმოდგენილი იქნება კვლევა, რომელიც ჩატარდა, რათა მხარდამჭერების აზრი გაეგოთ.

პარტიის წევრების ნაწილი ღიად აფიქსირებს, რომ ისინი "ნაციონალური მოძრაობის" პარლამენტში შესვლის საკითხს, მხარს დაუჭრენ.

შეგახსენებთ, „ერთიანი ნაციონალური მოძრაობის“ თავმჯდომარემ ნიკა მელიამ პარლამენტში შესვლა-არშესვლის საკითხზე საქართველოს ყოფილ პრეზიდენტთან, მიხეილ სააკაშვილთან უკრაინაში იმსჯელა, იქიდან დაბრუნების შემდეგ კი, შეხვედრები პარტიის წევრებთან და მხარდამჭერებთან რეგიონებშიც გამართა.

ცნობისთვის, პარტია 2020 წლის 31 ოქტომბრის არჩევნებს ამ დრომდე ბოიკოტს უცხადებს და საკანონმდებლო ორგანოში არ შედის.