რომან გოცირიძე - გახარია ივანიშვილის გაწყობილ სუფრაზე მივიდა, სადაც ყველა ადგილი დაკავებულია

გახარიას ამბავი გასაგებია, ეს არის ივანიშვილის სამეფო კარზე კონკურენციის ერთ-ერთი ნაწილი , - ამის შესახებ "ნაციონალური მოძრაობის" ერთ-ერთმა ლიდერმა, რომან გოცირიძემ ჟურნალისტებს განუცხადა, რითაც ყოფილი პრემიერის გიორგი გახარიას პოლიტიკაში დაბრუნება შეაფასა.

მისი თქმით, "გახარია ივანიშვილის გაწყობილ სუფრაზე მივიდა".

"საბოლოოდ, თუ ამას ხატოვნად ვიტყვით, გახარია ივანიშვილის გაწყობილ სუფრაზე მივიდა, სადაც ყველა ადგილი დაკავებულია. ახლა უნდა ჩააჩოჩოს ზოგი მარცხნივ, ზოგი მარჯვნივ და აი, ამის ირგვლივ იქნება ბრძოლა. თუ თეორიულად ივანიშვილის კოალიციას წარმოვიდგენთ, ეს არის მედლის მეორე მხარე. ძალიან მარტივი შეკითხვა უნდა დაუსვათ გახარიას, ხელისუფლების ფორმირების საკითხი რომ დგებოდეს და მისი 5 თუ 3 პროცენტი გადამწყვეტი იყოს, ვისთან ერთად შექმნის კოალიციას, ოპოზიციასთან თუ ივანიშვილთან ერთად? მგონია, რომ პასუხი ძალიან მარტივი და გასაგებია",- განაცხადა გოცირიძემ.

ცნობისთვის, ყოფილმა პრემიერმა გიორგი გახარიამ პოლიტიკური მოძრაობა "საქართველოსთვის" დააფუძნა.

ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
ქართული პრესის მიმოხილვა 24.01.2022
რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა