ჩვენ გვყავს ხელისუფლება, რომელიც ამ ტიპის ვიზიტს ქვეყნის ინტერესების სასარგებლოდ არ გამოიყენებს, - ამის შესახებ „ევროპული საქართველოს“ წევრმა, ლელა ქებურიამ ამერიკელი სენატორების საქართველოში ვიზიტთან დაკავშირებით განაცხადა.

მისივე თქმით, ხელისუფლება ცდილობს, აღნიშნულ ვიზიტი ოპოზიციის წინააღმდეგ ინტრიგებისთვის გამოიყენოს.

„სენატორები საქართველოს დიდი ხნის მეგობრები არიან, მათ არაერთხელ საქმით დაუმტკიცებიათ საქართველოს თანადგომა დემოკრატიის განვითარების გზაზე და რუსეთის აგრესიის წინააღმდეგ. ამჯერად ეს ვიზიტი განიხილება ბელარუსთან და უკრაინასთან ერთად კონტექსტში, სამწუხაროა, რომ ჩვენ გვყავს ხელისუფლება რომელიც ამ ტიპის ვიზიტს ქვეყნის ინტერესების სასარგებლოდ არ გამოიყენებს. ცდილობს ოპოზიციის წინააღმდეგ ინტრიგებისთვის გამოიყენოს“, - განაცხადა ქებურიამ.

ცნობისთვის, საქართველოს კონგრესის დელეგაცია ეწვევა, რომელიც სენატორების ჯინ შაჰინის ხელმძღვანელობითა და რობ პორტმანის მონაწილეობით იქნება წარმოდგენილი.