მტკვრის დაცვის დღესთან დაკავშირებით გარემოს დაცვისა და სოფლის მეურნეობის სამინისტროს გარემოსდაცვითი ინფორმაციისა და განათლების ცენტრის წარმომადგენლები თბილისის 69-ე საჯარო სკოლის V- VI კლასის მოსწავლეებს შეხვდნენ და წყლის რესურსების მნიშვნელობასა და მისი დაცვისთვისსაჭირო ქმედებებზე ტრენინგი ჩაუტარეს. როგორც „ინტერპრესნიუსს“ გარემოს დაცვისა და სოფლის მეურნეობის სამინისტროდან აცნობეს, მოსწავლეებმა მტკვრის, როგორც ტრანსსასაზღვრო მდინარის და მისი მონიტორინგის შესახებ მნიშვნელოვანი ინფორმაცია მოისმინეს.
მათივე ინფორმაციით, შეხვედრა კითხვა-პასუხის რეჟიმში გაგრძელდა და მოსწავლეებმა მათთვის საინტერესო საკითხებზე ამომწურავი პასუხები მიიღეს.
„მტკვრის დაცვის დღე 1999 წელს დაარსდა, რომელიც საქართველოში, სომხეთსა და აზერბაიჯანში ერთდროულად აღინიშნება. მტკვარი საქართველოს ყველაზე მთავარი მდინარეა. მდინარის მთლიანი სიგრძე 1515 კილომეტრს შეადგენს, საქართველოს ტერიტორიაზე მტკვრის სიგრძე 400 კილომეტრია“,-აღნიშნულია ინფორმაციაში.