დავით ბერძენიშვილი - გახარიას ვერ შემოგვტენიან ოპოზიციაში, არ გადმოდის ჩვენს მინდორზე, მაგრამ არ გამოვრიცხავ, რომ ზოგიერთ მუნიციპალიტეტში მას ჰქონდეს შეღწევა „ნაცმოძრაობის“ ზვიადისტურ ფლანგზეც

გახარიას მიმართ ქართული საზოგადოება დგას ზურგით და ვერ შემოგვტენიან ოპოზიციაში, - ამის შესახებ „რესპუბლიკური პარტიის“ ლიდერმა დავით ბერძენიშვილმა „პალიტრანიუსის“ გადაცემა „360 გრადუსში“ განაცხადა.

მისივე თქმით, ყოფილი პრემიერ-მინისტრი გიორგი გახარია ოპოზიციისთვის პრობლემას არ წარმოადგენს და მათ მინდორზე არ გადადის.

ამასთან, როგორც დავით ბერძენიშვილმა აღნიშნა, არავის არ სჯერა, რომ გიორგი გახარია არჩევნებში 10%-ს აიღებს.

„გვტენიან და გვტენიან ოპოზიციაში ამ გახარიას. გახარია - „თვალთხარია“, ასე აღიქმება. გახარიას მიმართ ქართული საზოგადოება დგას ზურგით და ვერ შემოგვტენიან ოპოზიციაში. ბიძინა ივანიშვილს ვითარება შეექმნა ისეთი, რომ შესაძლოა მას დასჭირდეს „ქართული ოცნება“ პლუს გახარია და ეს იყოს მისი ხელისუფლება. ეს პრობლემაა კობახიძისთვის და ღარიბაშვილისთვის და „ქართული ოცნებისთვის“, თორემ ბიძინა ივანიშვილისთვის არ არის. არც ჩვენთვის არ არის პრობლემა, გახარია არ გადმოდის ჩვენს მინდორზე. არის რაღაც სპეციფიკური ადგილები და მე არ გამოვრიცხავ მაგალითად, რომ ზოგიერთ მუნიციპალიტეტში მას ჰქონდეს შეღწევა „ნაცმოძრაობის“ ზვიადისტურ ფლანგზეც. გახარია შემთხვევით არ მისულა 31 მარტს ზვიად გამსახურდიას საფლავზე“, - განაცხადა ბერძენიშვილმა.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 19.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
ტერაბანკი სამომხმარებლო სესხებსა და საკრედიტო ბარათებზე აქციას იწყებს
"სილქნეტის" ულიმიტო პაკეტები აქტიური ზამთრისთვის