ახლა გამოჩნდება პლენარულ სხდომათა დარბაზში ცოტა ხანში, დააკვირდით, ვის ვისი შეეშინდება და რა მოხდება - საინტერესო სცენარები გელით, ყურადღებით გააშუქეთ,- ასე ეხმიანება იურიდიულ საკითხთა კომიტეტის თავმჯდომარე ანრი ოხანაშვილი ჟურნალისტებთან „ნაციონალური მოძრაობის“ დეპუტატების განცხადებებს გუშინდელ პლენარულ სხდომასთან დაკავშირებით.

ოხანაშვილის თქმით, გუშინ სხდომა კი არ გადაიდო, არამედ განსახილველი საკითხები ამოიწურა.

„რა შეიცვალა ახლა, მითუმეტეს, თუ შარლ მიშელის დოკუმენტს ხელი არ მოაწერეს და რატომ შემოვიდნენ? ეს არის უპრინციპობის გამოხატულება და იმის, რომ ამ პოლიტიკურ ჯგუფს პოლიტიკური მიზნებისთვის შეუძლია ყველაფერზე წავიდეს. სესია კი არ გადადებულა, საკითხები ამოიწურა, 12 საათიდან ინტენსიურად ვიმუშავეთ, ამიტომ დღეიდან ვიწყებთ იმ საკითხების განხილვას.

„ნაციონალური მოძრაობის“ როგორ შეიძლება გეშინოდეს, ძალიან დიდი წარმოდგენა აქვთ საკუთარ თავზე,"- განაცხადა ოხანაშვილმა.