Le Meridien Batumi-ს მარკეტინგის დეპარტამენტის ხელმძღვანელი - ზაფხულის აქტიურ ტურისტულ სეზონს Le Meridien Batumi 100%-იანი დატვირთულობით ხვდება

ზაფხულის აქტიურ ტურისტულ სეზონს Le Meridien Batumi 100%-იანი დატვირთულობით ხვდება. ამის შესახებ Le Meridien Batumi-ს მარკეტინგის დეპარტამენტის ხელმძღვანელი კატია აბსანძე აცხადებს. როგორც ის ამბობს, ზაფხულის ტურისტულ სეზონზე სასტუმრო ნომრებზე საკმაოდ მაღალი მოთხოვნა ფიქსირდება.

„მიმდინარე ტურისტული სეზონი საკმაოდ დიდი დატვირთულობით ხასიათდება. შარშანდელ სეზონთან შედარებით შეგვიძლია თამამად ვთქვათ, რომ დატვირთულობა გაზრდილია და ტურისტული ნაკადები აქტიურად შემოდიან. ჩვენ რამდენიმე თვის უკან გავხსენით სამორინე და ცხადია ამან გამოიწვია ისრაელიდან ტურისტული ნაკადების ზრდა.

თუმცა არ შეგვიძლია იმის თქმა, რომ ზრდა არ გაქვს სხვა ქვეყნებიდანაც. გვყავს დიდი პოლონური ტურისტული ჯგუფები, გვყავს ასევე სტუმრები თურქეთიდან, გარკვეული ტურისტული ჯგუფები აშშ-დანაც. თუმცა მოთხოვნის ძირითადი პროცენტულობა მაინც გადანაწილებულია ისრაელისა და საქართველოს მოქალაქეებზე", - აცხადებს კატია აბსანძე.

Le Meridien Batumi-ს მარკეტინგის დეპარტამენტის ხელმძღვანელი ამბობს, რომ მაღალ ტურისტულ სეზონზე სასტუმრო 100%-ით უკვე დაჯავშნილია.

„იმავდროულად Le Meridien Batumi აქტიურ ციფრულ მარკეტინგულ კამპანიებს აწარმოებს კონკრეტულ სამიზნე ბაზრებზე, საიდანაც საქართველოსთან პირდაპირი ავიამიმოსვლა არსებობს. უახლოეს პერიოდში სრული დატვირთვით ამოქმედდება ასევე ქუთაისის განახლებული აეროპორტი, საიდანაც ქვეყანაში უფრო მეტი ტურისტი შემოვა“, - ნათქვამია ინფორმაციაში.

ეკატერინე ციმაკურიძე - განსაკუთრებული პრობლემაა ხელისუფლების მცდელობები თავი აარიდოს 19 აპრილის შეთანხმების ისე შესრულებას, როგორც ეს თავად ამ შეთანხმებითაა ნაგულისხმევი
ქართული პრესის მიმოხილვა 23.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ჭარბი წონა მსოფლიოში არა მხოლოდ პრობლემა,  დიდი ხანია, პანდემიაა (R)
"თბილისის ბალნეოლოგიურ კურორტში“ კონფერენცია „კურორტოლოგიის როლი მედიცინაში“ გაიმართა
ტერაბანკმა FMO-სგან გრძელვადიანი დაფინანსება მიიღო