საქართველოში ინტელექტუალური საკუთრების უფლებების აღსრულების შესახებ ფორუმი იმართება

საქართველოში ინტელექტუალური საკუთრების უფლებების აღსრულების შესახებ ფორუმი იმართება. ამის შესახებ ინფორმაციას საქპატენტი ავრცელებს.

მათი ინფორმაციით, ღონისძიება საქპატენტისა და ევროკავშირის ინტელექტუალური საკუთრების უწყების (EUIPO) ორგანიზებითა და ევროკავშირის მიერ დაფინანსებული - ,,ინტელექტუალური საკუთრების შესახებ ევროკავშირისა და საქართველოს ერთობლივი პროექტის“ (EUGIPP) ფარგლებში ტარდება.

„ფორუმი საქართველოს ინტელექტუალური საკუთრების ეროვნული ცენტრის - საქპატენტის თავმჯდომარის მოვალეობის შემსრულებელმა მანანა ფრუიძემ გახსნა. მონაწილეებს მისასალმებელი სიტყვით საქართველოში ევროკავშირის წარმომადგენლობის თანამშრომლობის სექციის უფროსის მოადგილემ, EUIPO-ს საერთაშორისო თანამშრომლობის უფროსმა, ფინანსთა სამინისტროს, გენერალური პროკურატურისა და კომუნიკაციების კომისიის წარმომადგენლებმა მიმართეს. ღონისძიების ფარგლებში ჩატარდა სემინარები, სადაც ისაუბრეს ინტელექტუალური საკუთრების უფლებების აღსრულების მიმართულებით არსებულ სიახლეებსა და გამოწვევებზე. ყურადღება გამახვილდა კონტრაფაქციასთან ბრძოლის გლობალურ მიდგომებზე და ციფრულ სამყაროში ინტელექტუალური საკუთრების უფლებების დაცვის მიმარულებით არსებულ გამოწვევებზე.

ფორუმის მიზანია, ინტელექტუალური საკუთრების უფლებების აღსრულებასთან დაკავშირებით სასამართლო პრაქტიკისა და ადმინისტრაციულ/სამართლებრივი პროცედურების ევროკავშირის სტანდარტებთან დაახლოება. ასევე მნიშვნელოვანია , ქართველ და ევროპელ კოლეგებს შორის კანონმდებლობისა და ინტელექტუალური საკუთრების უფლებების დარღვევებზე ზედამხედველობის პრაქტიკის შესახებ ინფორმაციის გაცვლა. ფორუმის ფარგლებში გაიმართება ცნობილი სასაქონლო ნიშნების კონტრაფაქციული პროდუქციის გამოფენა, სადაც სასაქონლო ნიშნების მფლობელები და პატენტრწმუნებულები სემინარის მონაწილეებს კონკრეტული პროდუქციის იმ ტექნიკურ მახასიათებლებს წარუდგენენ, რომლითაც პროდუქტის ავთენტურობა დგინდება. საქპატენტისა და ევროკავშირის ინტელექტუალური საკუთრების უწყების (EUIPO) ორგანიზებით მიმდინარე ფორუმი სამი დღის განმავლობაში გაგრძელდება”, - ნათქვამია ინფორმაციაში.

ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
ქართული პრესის მიმოხილვა 24.01.2022
რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა