ოკუპირებულ აფხაზეთში, პიცუნდაში მომხდარი სროლის შედეგად ორი რუსი ტურისტი დაიჭრა, - ამის შესახებ ინფორმაციას რუსული მედია ე.წ. რუსეთის საელჩოზე დაყრდნობით ავრცელებს.

მათივე ინფორმაციით, დაშავებულები თავდაპირველად გაგრის, შემდეგ კი სოჭის საავადმყოფოში გადაიყვანეს.

რუსული მედიის ინფორმაციით, ტურისტებს ცეცხლი ადგილობრივმა მკვიდრმა ერთ-ერთ რესტორანში გაუხსნა. მათივე ცნობით, სამართალდამცავებმა ეჭვმიტანილი უკვე დააკავეს.