თბილისის მასშტაბით ზონალურ-საათობრივი პარკირების სისტემის განხორციელებისთვის დამატებითი ქუჩები შეირჩა

დედაქალაქის მერის, კახა კალაძის ინფორმაციით, თბილისის მასშტაბით ზონალურ-საათობრივი პარკირების სისტემის განხორციელებისთვის დამატებითი ქუჩები შეირჩა. როგორც კალაძემ თბილისის მუნიციპალიტეტის მთავრობის სხდომაზე განაცხადა, დედაქალაქის მასშტაბით ჯამში 1315 საპარკინგე ადგილზე დაინერგება ზონალურ საათობრივი პარკირება.

მისივე ინფორმაციით, ავტომობილის უფასოდ პარკირების შესაძლებლობა ამ შემთხვევაშიც ექნებათ ქუჩის მცხოვრებლებს, შშმ პირებსა და ელექტრომობილების მფლობელებს.

„თქვენ იცით, რომ ჩვენ დავიწყეთ ზონალურ-საათობრივი პარკირების დანერგვა მთელი ქალაქის მასშტაბით. გვქონდა საპილოტე პროექტები, კონკრეტულ უბნებში, კონკრეტულ არეალებში, რომელიც მართლა წარმატებით მიმდინარეობს, რაც ძალიან კარგია და ამ პროგრამის დანერგვით, ჯამში 5-მდე საპარკინგე ადგილი შეიქმნა, სადაც გადასახადი ერთ საათში არის ერთი ლარი, ხოლო ადგილობრივი მოსახლეობისთვის ავტომობილის გაჩერება არის სრულიად უფასო, ასევე ელექტრომობილებისთვის, შშმ პირებისთვის.

მინდა გითხრათ, რომ ასევე, შეირჩა კიდევ რამდენიმე ქუჩა, სადაც ამოქმედდება ზონალურ- საათობრივი პარკირება, კერძოდ საბურთალოს რაიონში: დოლიძის, ტეხურას, ბალანჩივაძეების, ასლანიდის, ბერბუკის, ალექსიძის, ბახტრიონის, ცინცაძის, ლორთქიფანიძის ქუჩებზე 733 ახალი საპარკინგე ადგილი დაემატება და გავრცელდება ზონალურ-საათობრივი პარკირება. ასევე, სადგურის მოედანზე, დეზერტირების ბაზრის მიმდებარედ, ასევე აბასთუმნის, თევდორე მღვდლის, ცაბაძის ქუჩაზე 281 ზონალურ-საათობრივი საპარკინგე ადგილი იქნება, გლდანში, მეტროსადგურ „ახმეტელის“ მიმდებარე ტერიტორიაზე, ასევე, გობრონიძისა და ნოზაძის ქუჩაზე 126 საპარკინგე ადგილზე იმოქმედებს ზონალურ-საათობრივი პარკირება.

სამგორის რაიონში, როგორც ვარკეთილის მეტრის მიმდებარედ, ისე ჯავახეთისა და ხომლელის ქუჩებზე 117 საპარკინგე ადგილი იფუნქციონირებს ანალოგიური სისტემით, ჯამში 1315 საპარკინგე ადგილზე დაინერგება ზონალურ - საათობრივი პარკირება,“- განაცხადა კალაძემ.

მისივე თქმით, ზონალურ-საათობრივი პარკირების ამოქმედებამდე, ადგილობრივი მოსახლეობის ინფორმირებისა და უფასო პარკირებით სარგებლობის მიზნით, რეგისტრაციისთვის საინფორმაციო მუნიციპალური პავილიონები იმოქმედებს იმისთვის, რომ ადამიანებს მიეწოდოთ სრულყოფილი ინფორმაცია თუ როგორ მუშაობს სისტემა.

„ეს პავილიონები განთავსებული იქნება დოლიძის ქუჩა #24-ში, ალექსიძის ქუჩა #1-ში, ბახტრიონის ქუჩა #13-ში, ბახტრიონის ქუჩა #30-ში, ცინცაძის ქუჩა #61-ში ლორთქიფანიძის ქუჩა #10-ში, აბასთუმნის ქუჩა #1ა-ს მოპირდაპირე მხარეს, სადგურის მოედანზე, კერძოდ, გოგოლის ქუჩა #32-ში, გობრონიძის ქუჩა #100-ში და ვარკეთილის მიმდებარე ტერიტორიაზე განვათავსებთ ამ ჯიხურებს, სადაც ადამიანებს გექნებათ იმის შესაძლებლობა, რომ მიიღოთ ინფორმაცია იმის შესახებ თუ როგორ მუშაობს და ფუნქციონირებს ზონალურ-საათობრივი პარკირება. ჩვენი თანამშრომლები დაგეხმარებიან თქვენი ავტომობილების რეგისტრაციაში იმისთვის, რომ ისარგებლოთ თქვენი საცხოვრებელი ადგილის მიმდებარე ტერიტორიაზე უფასო პარკირებით,“- განაცხადა კალაძემ.

ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
ქართული პრესის მიმოხილვა 27.01.2022
ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა