რუსეთის პრეზიდენტი ვლადიმერ პუტინი ამერიკელ კოლეგა ჯო ბაიდენთან შესახვედრად ჟენევაში ჩავიდა, - ინფორმაციას რუსული მედია ავრცელებს.

მათივე ინფორმაციით, ორი პრეზიდენტის შეხვედრის დაწყებამდე, რომელსაც ვილა ლა გრანჟი უმასპინძლებს, შვეიცარიის პრეზიდენტი მისასალმებელ სიტყვას წარმოთქვამს.

ამასთან, ვლადიმერ პუტინსა და ჯო ბაიდენს შორის ვიწრო ფორმატის შეხვედრა ადგილობრივი დროით დაახლოებით 13:35 საათზე დაიწყება და 1 საათს გაგრძელდება, ამის შემდეგ კი ორნაწილიანი გაფართოებული ფორმატის შეხვედრა დაიწყება და ადგილობრივი დროით დაახლოებით 18:00 საათამდე გაგრძელდება. შეხვედრის შემდეგ პრეზიდენტები პრესკონფერენციებს ცალ-ცალკე გამართავენ.