ამ სასამართლოს არაფერი არ ეშველება გარდა იმისა, რომ სასამართლო სისტემა უნდა დაინგრეს და უნდა აშენდეს ახალი, რაც უნდა დაიწყოს ახალი ხელისუფლების მოსვლის შემდეგ,- ამის შესახებ ჟურნალისტებთან "ნაციონალური მოძრაობის" დეპუტატმა რომან გოცირიძემ განაცხადა, რითაც იუსტიციის უმაღლეს საბჭოში მოსამართლეთა შერჩევის პროცესს გამოეხმაურა.

მისი თქმით, იმის მიუხედავად, რომ მოსამართლეების საკითხი საერთაშორისო შეთანხმების ნაწილი იყო, მმართველი გუნდი ამას არაფრად აგდებს.

„შეუძლებელია, ივანიშვილს პროცესის შეჩერება უნდოდეს და მართული იუსტიციის საბჭო ამის წინააღმდეგ წავიდეს, პირიქით, ეს მიცემული სიგნალია, მოსწრებაზე არიან, რათა კიდევ უფრო გაამაგრონ კლანური და პოლიტიკურად მართული სასამართლო სისტემა,"- განაცხადა გოცირიძემ.

იხილეთ ვიდეო:რომან გოცირიძის მოსაზრებით, სასამართლო სისტემა უნდა დაინგრეს და ახალი სხვა ხელისუფლების პირობებში აშენდეს