ცხინვალის ოკუპირებულ რეგიონში რუსული ვაქცინის Sputnik V-ის ერთი დოზით 249-მდე მოქალაქე აიცრა, სრულად ვაქცინირებული კი 121 პირია, - ამის შესახებ ინფორმაციას სააგენტო RES-ი ე.წ. ჯანდაცვის უწყებაზე დაყრდნობით ავრცელებს.

"17 ივნისის მდგომარეობით, ანტისხეულების სისხლში განსაზღვრის მიზნით ანალიზი 990-მა ადამიანმა გაიკეთა, კლინიკური კვლევების შედეგების მიხედვით ვაქცინაცია 249 ადამიანს ჩაუტარდა. Sputnik V-ის მეორე დოზა უკვე 121 ადამიანს აქვს გაკეთებული,“- აცხადებენ ე.წ.ჯანდაცვის სამინისტროში.

ოკუპირებულ რეგიონში კორონავირუსის საწინააღმდეგო რუსული ვაქცინის პირველი პარტია მაისში ჩაიტანეს და მოსახლეობის ვაქცინაცია დაიწყეს.