კარგია, რომ მოსამართლეებმა დააფიქსირეს საკუთარი პოზიცია, - ასე ეხმიანება საპარლამენტო უმრავლესობის წევრი, განათლების კომიტეტის თავმჯდომარე შალვა პაპუაშვილი ჟურნალისტებთან მოსამართლეთა პოზიციას, რომ ელჩების განცხადებები არ შეესაბამება სუვერენულ ქვეყანასთან ურთიერთობის ფორმებს.
პაპუაშვილის თქმით, კარგია, რომ მოსამართლეები მოსაზრებებს გამოხატავენ, რადგან მიმდინარე პროცესი სწორედ მათ ეხებათ.
„ზოგადად, მე მოსამართლეების განცხადებას ვერ შევაფასებ, ეს მათი განცხადებაა, მაგრამ ვფიქრობ, კარგია, რომ მოსამართლეებმა ამ საკითხთან დაკავშირებით ერთობლივი პოზიცია დააფიქსირეს, რადგან მათ ეხებათ ეს საკითხი, უზენაესი სასამართლოს მოსამართლეთა არჩევა იქნება ეს თუ ზოგადად, რეფორმა. ისინი არიან ნაწილი ამ ყველაფრის და კარგია, რომ დააფიქსირეს საკუთარი პოზიცია,"- განაცხადა პაპუაშვილმა.