ეს მოსამართლეები აქ ცხვირს ვერ შემოყოფენ,- ამის შესახებ „ნაციონალური მოძრაობის” წევრმა რომან გოცირიძემ ჟურნალისტებს უზენაესი სასამართლოს მოსამართლეების არჩევის პროცესთან დაკავშირებით განუცხადა.
როგორც გოცირიძემ აღნიშნა, თუ ეს პროცესი არ გაჩერდება, ამას საპროტესტო ტალღა მოყვება და „ქართულ ოცნებას“ მოსამართლეების გაწვევა მოუწევს“.
„მთელი საზოგადოება მათ წინააღმდეგაა განწყობილი. დაწყებული სახალხო დამცველით, დამთავრებული არასამთავრობო სექტორით. ეს მოსამართლეები არიან შთამომავლები ამ ძველი „კლანის“ და ეს სისტემა ინკუბატორებივით ჩეკავს თავის მსგავსს, რომ ვერ განასხვავებ ამ ადამიანებს ერთმანეთისგან. ისინი ემსახურებიან „ქართული ოცნებისა” და ბიძინა ივანიშვილის ფინანსურ და პოლიტიკურ ინტერესებს. ისინი წარმოადგენენ ძალაუფლების შენარჩუნების ერთ-ერთ მნიშვნელოვან ბერკეტს სასამართლო სისტემაში. ამიტომ, ეს პროცესი უნდა გაჩერდეს, წინააღმდეგ შემთხვევაში მიიღებენ სერიოზულ საპროტესტო ტალღას, აქ, კორიდორში, ამ დარბაზში, პარლამენტის მისადგომებთან. იძულებულები იქნებიან ეს მოსამართლეები უკან გაიწვიონ”,- განაცხადა გოცირიძემ.