გოკა გაბაშვილი - აეროპორტში თავდასხმა მოგვიწყვეს, ხალხი მოგვიგზავნეს და გიგი უგულავას იქით დასდეს ბრალი - სირცხვილის რა ხარისხამდე მივა ხელისუფლება, არ ვიცი

აეროპორტში თავდასხმა მოგვიწყვეს, ხალხი მოგვიგზავნეს და გიგი უგულავას იქით დასდეს ბრალი. სირცხვილის რა ხარისხამდე მივა ხელისუფლება ამ საქმეში, არ ვიცი, - ამის შესახებ პოლიტიკოსმა გოკა გაბაშვილმა თბილისის საქალაქო სასამართლოში ჟურნალისტებთან განაცხადა.

გაბაშვილის თქმით, არსებობდა ძალიან ბევრი ნიშანი იმის, რომ ეს შემთხვევა წინასწარ იყო დაგეგმილი და საქმეში დაზარალებულად ცნობილი ადამიანები ადრეც გამოუყენებიათ თავდასხმებში და მიტინგებზე პროვოკაციის მოწყობაში.

„ეს მთელი საქმე ფარსი და სამარცხვინო რაღაც არის, ეს ყველამ ძალიან კარგად იცის. აეროპორტში თავდასხმა მოგვიწყვეს, ხალხი მოგვიგზავნეს და გიგი უგულავას იქით დასდეს ბრალი. სირცხვილის რა ხარისხამდე მივა ხელისუფლება ამ საქმეში, არ ვიცი, ეს არის პოლიტიკური მოტივებით გაკეთებული ბინძური, შეკერილი საქმე. თავის საქმეზე მოფრინავდა ჩემთან ერთად და აეროპორტში ჩვეულებრივი თავდასხმა მოგვიწყვეს. ბევრი ნიშანი იყო იმის, რომ ეს წინასწარ დაგეგმილია, ეს ადამიანები ადრეც გამოუყენებიათ თავდასხმებში და მიტინგებზე პროვოკაციის მოწყობაში. როგორც ეს სამარცხივნო საქმე მოიგონეს, შეთხზეს და დადგეს, ისე უნდა დაამთავრონ თვითონ”, - აღნიშნა გოკა გაბაშვილმა.

ცნობისთვის, აღნიშნული შემთხვევა თბილისის აეროპორტში 2019 წლის 11 დეკემბერს მოხდა. გიგი უგულავას ბრალი სისხლის სამართლის კოდექსის 126-ე მუხლით აქვს წარდგენილი, რაც ძალადობას გულისხმობს. მას ძიუდოისტ ბადრი გავაშელიშვილის ცემას ედავებიან. გიგი უგულავასთან ერთად ბრალდებულია გავაშელიშვილის მეგობარი დავით პარკაძე, რომელსაც პოლიტიკოს გოკა გაბაშვილის ცემას ედავებიან.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 30.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
ვებ-გვერდ ss.ge-ზე ვიზიტორთა რაოდენობა 60 000-მდე გაიზარდა, მათ შორის 30% უცხო ქვეყნის მოქალაქეა
WhiteBit კრიპტოვალუტის ბირჟაზე ხელმისაწვდომი გახდა დოლარისა და ევროს გატანა Visa/Mastercard-ზე, ისევე როგორც უკრაინული გრივნის გატანა IBAN საბანკო ანგარიშის ნომერზე
„ჰიუნდაი ავტო საქართველომ“ 25 წლის იუბილე აღნიშნა
უძრავი ქონების პლატფორმას - Georgia Real Estate ახალი გენერალური დირექტორი ჰყავს
ბაზისბანკი, ბიზნესის დაკრედიტების ზრდის ტემპით, პირველ ადგილზეა
PSP “ჯანმრთელობის პროგნოზი“ - ახალ კამპანიას იწყებს