“თბილისი პრაიდის” ფარგლებში გამართული ღონისძიება დასრულდა

“თბილისი პრაიდის” ფარგლებში გამართული ღონისძიება დასრულდა. კონცერტი “ლისი ვანდერლენდში” დახურულ ფორმატში გაიმართა.

ღონისძიების პარალელურად მიმდებარე ტერიტორიაზე მთელი დღის განმავლობაში “თბილისი პრაიდის” მოწინააღმდეგეთა აქცია მიმდინარეობდა. მათ ადგილზე მიტანილი ჰქონდათ ბანერები და კონცერტზე მისულ ადამიანებს შეძახილებით ხვდებოდნენ.

ადგილზე ვითარება ცოტა ხნით მაშინ დაიძაბა, როდესაც აქციის მონაწილეებმა გზის გადაკეტვა სცადეს, თუმცა სამართალდამცველებმა მათ ამის საშუალება არ მისცეს.

აქციის მონაწილეებმა ტერიტორია უკვე დატოვეს.

შეგახსენებთ, რომ “თბილისი პრაიდის” კვირეული 1-ელ ივლისს გაიხსნა, 5 ივლისს კი „თბილისი პრაიდი" „ღირსების მარშს" გამართავს. "ღირსების მარშის" სლოგანი "გამოდი სოლიდარობისთვის" იქნება.