ქვეყანაში ე.წ. ინდური შტამის 52 შემთხვევაა დადასტურებული. 5 საეჭვო შემთხვევაზე კვლევა მიმდინარეობს, - ამის შესახებ ჯანდაცვის მინისტრის პირველმა მოადგილე თამარ გაბუნიამ საკოორდინაციო საბჭოს დასრულების შემდეგ განაცხადა.

მისივე თქმით, ე.წ. ინდური შტამის მაჩვენებელმა შესაძლოა, 10-დან 20%-მდე მოიმატოს.

„ქვეყანაში ჯამურად დელტას, ე.წ. ინდური შტამის 52 შემთხვევაა დადასტურებული. 5 საეჭვო შემთხვევაზე კვლევა მიმდინარეობს. ჯერჯერობით, რაიმე მძიმე მიმდინარეობა არ არის, თუმცა რისკია, რომ შესაძლოა, მეტად გავრცელდეს. შეფასებული მაჩვენებლით ეს 10-დან 20%-მდეა. განსაკუთრებული სიფრთხილე გვმართებს“, - განაცხადა გაბუნიამ.