იუსტიციის მინისტრი რუმინეთის ელჩს შეხვდა. უწყების პრესსამსახურის ცნობით, რატი ბრეგაძე და რეზვან როტუნდუ შეთანხმდნენ, რომ მხარეები იმუშავებენ ურთიერთთანამშრომლობის მემორანდუმის გაფორმების საკითხზე.

როგორც იუსტიციის სამინისტროში აღნიშნავენ, ორივე მხარისთვის პრიორიტეტულია არსებული კარგი თანამშრომლობის კიდევ უფრო მეტად გაღრმავება. მათი ინფორმაციით, შეხვედრაზე იმსჯელეს ეროვნული კანონმდებლობის ევროკავშირის სამართალთან ჰარმონიზაციის თემაზეც.