“ქართული ოცნების“ ერთ-ერთი ლიდერის შალვა პაპუაშვილის შეფასებით, ოპოზიცია უზენაესი სასამართლოს მოსამართლეობის კანდიდატების შერჩევის პროცესში არმონაწილეობით 19 აპრილის შეთანხმებას არღვევს.

როგორც პაპუაშვილმა ამ კონტექსტში აღნიშნა, შარლ მიშელის შეთანხმებით ოპოზიციის ერთ-ერთი მთავარი ვალდებულება პარლამენტში შემოსვლა და პროცედურებში ჩართვა იყო.

მისივე თქმით, თავად “ქართული ოცნება“ 19 აპრილის შეთანხმებას ზედმიწევნით მიყვება.

“ქართული ოცნება” ერთადერთი პარტიაა, რომელიც 19 აპრილის შეთანხმებას ასრულებს. თქვენ იცით, რომ ამნისტიას ოპოზიციამ მხარი არ დაუჭირა და ამით შეთანხმებას არღვევენ, ასევე საარჩევნო რეფორმას მხარი “ლელომ” არ დაუჭირა, რითაც შეთანხმება დაარღვია. მოსამართლეთა შერჩევის პროცესში არ მონაწილეობენ და ამით შეთანხმებას არღვევენ. ყველაფრის დამრღვევი არის ოპოზიცია“, - განაცხადა შალვა პაპუაშვილმა.